വാക്കുകള് മൂകവും ബദിരവുമാകുന്നിടത്ത്
എന്റെ ഈ തല ഒട്ടിച്ചുവെയ്ക്കുക.
നെറ്റിത്തടത്തിലെ ചുളിഞ്ഞ വരകള്,
കാലത്തിന്റെ മങ്ങലേറ്റ് രോമം പറഞ്ഞുപോയ
കവിള്ക്കുഴികള്,
ആഴങ്ങളില്നിന്ന് പുറത്തേയ്ക്ക് തെറിക്കുന്ന നോട്ടം.
തൊണ്ടയെല്ലിന്റെ കൂര്പ്പില്നിന്ന്
ചുണ്ടിലൂറുന്ന ചിരിയെ ശ്രദ്ധിക്കുക.
വാക്കുകള് അയച്ചുതരാനില്ലാത്തവന്റെ
തലച്ചിത്രത്തിന് എന്ത് ശീര്ഷകമാണ്
നിങ്ങള് നല്ക്കുക?!
No comments:
Post a Comment